«Tottenhem» «Mançester Sitini» ýeňip, APL-de birinji orny eýeledi

  • 22.11.2020 11:00
  • 5k+

Futbol boýunça Angliýanyň çempionatynyň dokuzynjy tapgyr duşuşygynda Londonyň “Tottenhemi” öz meýdançasynda “Mançester Sitini” 2-0 hasabynda ýeňdi.

Gollary Son Hyn Min (5-nji minut) we Jowanni Lo Çelso (65) geçirdi. Argentinaly oýunçy eýýäm oýna gireninden bir minutdan soň tapawutlanmagy başardy. Harri Keýniň netijeli pasy bilen ol pökgini tora girizdi.
Häzir Son Hyn Miniň hasabynda çempionatda dokuz goly, Keýniň hasabynda dokuz netijeli geçirimi bar. Iki görkeziji boýunça-da, oýunçylar çempionatyň häzirki liderleri.
London klubyna portugaliýaly Žoze Mourinýu, “Mançester Siti” klubyna ispaniýaly Hosep Gwardiola ýolbaşçylyk edýär. Mourinýu Gwardiolany ýedinji gezek ýeňdi, Gwardiolanyň hasabynda 11 ýeňiş bar, olaryň ýolbaşçylygyndaky klublar alty gezek deňme-deň oýnadylar. Portugaliýalynyň tälimçiniň “Tottenhemiň” başyna geçeli bäri, london kluby Gwardiolanyň topary “Mançester Siti” bilen geçirilen iki oýunda-da ýeňiş gazandy.
Bu ýeňşiň netijesinde “Tottenhem” dokuz tapgyrda 20 utuk gazanyp, Angliýanyň premýer-ligasynyň tablisasynda birinji orny eýeledi. “Mançester Siti” sekiz duşuşykda 12 utuk bilen 10-njy orunda ýerleşýär. Indiki tapgyrda “Tottenhem” 29-njy noýabrda myhmançylykda Londonyň “Çelsi” kluby bilen duşuşar, “Mançester Siti” bir gün öň “Býornlini” kabul eder.
Günüň beýleki oýunlarynda “Çelsi” “Nýukasly” 2-0 hasabynda, “Braýton” “Aston Willa” toparyny 2-1 hasabynda ýeňdi.

şu gün 14:08
3.8k+

Mbappe psihologik basyş edilmegi babatda “PSŽ”-nyň üstünden ýazan arzasyny yzyna aldy

Fransuz hüjümçisi Kilian Mbappe öňki kluby bolan “Pari Sen-Žermene” üstünden beren kazyýet arzasyndan özüne psihologik basyş edilmegi babatdaky bölegi yzyna aldy diýip, L'Equipe habar berýär. Futbolçy "ünsüni sport meselelerine jemlemek" üçin şeýle karara geldi...

şu gün 12:22
1.9k+

“Mançester Ýunaýted” Amazonyň klub hakynda 10 mln funt sterlinglik dokumental film düşürmek teklibini ret etdi

"Mançester Ýunaýted" şertnamanyň bahasynyň 10 million funt sterlingdigine garamazdan, Amazonyň klub barada  dokumental film düşürmek baradaky teklibinden ýüz öwürdi diýip, The Athletic habar berýär. Çeşmäniň habaryna görä, Amazon bilen gepleşikler geçen möwsümiň ikinji ýarymynda birnäçe aýlap geçirilipdi...

şu gün 11:39
2.9k+

“Çelsi” Klublaýyn dünýä çempionatynyň finalyna çykdy, ol “Real” ýa-da “PSŽ” bilen duşuşar

Londonyň “Çelsisi” 2025-nji ýylyň Klublaýyn dünýä çempionaty ýaryşynyň ilkinji finalçysy boldy. Ol ýarym finalda Braziliýanyň “Fluminense” toparyny 2:0 hasabynda utdy. Oýun Ist-Raterforddaky (ABŞ) “Metlaýf” stadionynda geçirildi...

şu gün 11:18
1.4k+

“Barselona” 35 ýaşly Woýseh Şensny bilen şertnamany 2027-nji ýyla çenli uzaltdy

“Barselona” polşaly derwezeban Woýseh Şensny bilen täze şertnama baglaşdy. Bu barada klubuň resmi saýtynda habar berilýär. 35 ýaşly futbolçy bilen şertnama 2027-nji ýylyň 30-njy iýunyna çenli hereket edýär. Şensny katalon toparyna 2024-nji ýylyň oktýabrynda – karýerasyny tamamlandygyny yglan edenden iki aý soň goşuldy...