Xiaomi Hindistanda baýramçylyk satuwynda 13 milliondan gowrak enjam satdy

Xiaomi Hindistanda baýramçylyk satuwynda 13 milliondan gowrak enjam satdy

Xiaomi kompaniýasy Hindistanda baýramçylyk satuwynyň dowamynda 13 milliondan gowrak enjam satandygyny, olaryň 9 millionynyň smartfondygyny mälim etdi. Bu barada ixbt.com habar berýär.

Mundan ozal Realme şol döwürde 8,3 million önüm, şol sanda 6,3 million smartfon satyp, rekord goýandygyny habar beripdi. Analitikler Realme-niň “Xiaomi” üçin Samsung we Vivo garanyňda has uly bäsdeş bolup durýandygyny, sebäbi onuň satuwynyň her aý tiz ösýändigini aýdýarlar. Realme ýaňy-ýakynda 50 million smartfon belliginden geçdi we oňa bazardaky beýleki kompaniýalardan has tiz ýetdi.

Xiaomi baradaky gürrüňe gaýdyp gelsek, onuň iň meşhur smartfonlary Xiaomi Mi 10T Pro, Redmi Note 9 Pro Max, Redmi Note 9 Pro, Redmi 9 Prime, Redmi 9 we Redmi 9A. Galan 4 million enjamda akylly telewizor, akylly öý enjamlary we esbaplar bar.

Hususan-da, 450 müň akylly telewizor, şeýle hem “Mi TV Stick” we “Mi Box 4K” satyldy. Xiaomi, 4K telewizora bolan islegiň geçen ýyldakydan has ýokarydygyny, 50 we 55 dýuýmlyk telewizorlaryň satuwynyň 50%-den gowrak bolandygyny aýtdy. Howa arassalaýjylaryň satuwy 100% ösdi we “Mi Watch Revolve” sagatlary we akylly ses çykaryjylar hem uly islege eýe boldular.