Turiniň “Ýuwentusynyň” hüjümçisi Kriştianu Ronaldu 2021-nji ýylyň tomsunda klubdan gidip biler diýip, sport.es habar berýär.
Çeşmäniň berýän maglumatlaryna görä, toparyň ýolbaşçylygy oýunçyny satmagy göz öňünde tutýar. Italýan klubynyň Ronalduny ýokary aýlygy sebäpli transfer etmekçidigi bellenilýär. Futbolçy möwsümde 31 mln ýewro gazanýar, onuň şertnamasy bolsa 2022-nji ýylyň tomsuna çenli niýetlenen. “Ýuwentus” hüjümçini 100 mln ýewro satmaga taýýar.
Ozal “PSŽ-niň” portugaliýaly oýunça gyzyklanma bildirýändigi barada habar peýda boldy. Häzir Transfermarkt portaly oýunçynyň bazar bahasyny 60 mln ýewro bilen bahalandyrýar.
Ronaldu Madridiň “Realyndan” “Ýuwentusa” 2018-nji ýylda geçdi. Italiýanyň çempionatynyň häzirki möwsüminde ol dört oýna gatnaşdy, olarda 6 goly we bir netijeli geçirimi bilen tapawutlandy.
Ronaldu häzirki möwsümde A seriýada iň gowy bombardirleriň sanawynda ikinji orny eýeleýär. Iň köp pökgi geçiren “Milanyň” oýunçysy Zlatan Ibragimowiçdir (sekiz gol).
“Ýuwentus” 13 utuk gazanyp, A seriýada üçünji oruna galdy. Turin kluby öňdebaryjy “Milandan” üç utuk yza galýar. Turnir tablisasynda ikinji orunda “Sassuolo” (15) ýerleşýär.