Hytaýda ýurduň taryhynda ýedinji ilat ýazuwy başlandy diýip, RIA Nowosti habar berýär. Muny gazeta.ru belläp geçýär.
Ilat ýazuwyna jemi 7 mln işgär gatnaşar. Ol 10-njy dekabrda tamamlanar.
Her bir işgär 250 töweregi adamy hasaba almaly. Ilat ýazuwyna Hytaý yklymynyň, şeýle-de Gonkongyň, Makaonyň we Taýwanyň ýaşaýjylary girer. Daşary ýurtlarda bar bolan HHR-iň raýatlary hem göz öňünde tutular.
Mundan başga-da, ilat ýazuwy Hytaýda hemişelik esasda ýaşaýan daşary ýurtlulara täsir eder. Bu işiň çäginde diňe bir Hytaýyň ilatynyň umumy sanyny anyklamak däl, eýsem ýurduň çäginde ýaşaýan adamlaryň jyns gatnaşygy, işi, bilimi, ýaşy barada maglumatlary ýygnamak hem meýilleşdirilýär.
Hytaýda ilkinji ilat ýazuwy 1953-nji ýylda geçirildi. Şonda ýurtda 600 milliondan gowrak ýaşaýjy hasaba alyndy. 2019-njy ýylyň ahyrynda ýörite administratiw sebitleri hasaba almazdan HHR-iň ilatynyň 1,4 mlrd adamdan geçendigi bellige alyndy.
Iýulda halkara alymlar topary dünýä ilatynyň köpeljekdigini çakladylar. Hasaplamalara görä, ilat sany 2064-nji ýylda iň ýokary derejesine ýeter we 2100-nji ýyla çenli 8,8 milliarda çenli pese düşer.
