"Cineworld" ABŞ-daky we Angliýadaky ähli kinoteatrlary ýapýar

"Cineworld" ABŞ-daky we Angliýadaky ähli kinoteatrlary ýapýar

Ululygy boýunça dünýäde ikinji kinoteatrlar torunyň operatory “Cineworld” ABŞ-daky we Angliýadaky teatrlarynyň hemmesiniň ýapylýandygyny habar berdi. Olar 8-nji oktýabrda - penşenbe güni öz işini bes ederler. Bu habar kommersant.ru habar berýär.

Bu habar "Cineworld"-yň gymmatynyň ep-esli pese gaçmagyna sebäp boldy: onuň netijesinde, kompaniýanyň paýnamalary, takmynan, 60% arzanlady.
Ondan öň “Cineworld”-yň COVID-19-yň ikinji ýaýrawy we “Universal” kinostudiýasynyň “Ölmegiň wagty däl” we “Forsaž 9” filmleriniň premýeralaryny indiki ýyla çenli yza süýşürmek karary sebäpli ABŞ-da, Angliýada we Irlandiýada zallary ýapmak mümkinçiligine seredýändigi habar berlipdi.

"Bu täze relizler bolmasa," Cineworld" ABŞ-da we Angliýada - kompaniýanyň esasy bazarlarynda müşderileri COVID-19 döwründe teatrlara gaýdyp gelmek barada pikirlenmek üçin zerur bolan köp sanly täjirçilik filmleri bilen üpjün edip bilmez" diýlip, kompaniýanyň habarynda aýdylýar.

Umuman alanyňda, kompaniýa ABŞ-da “Regal Cinemas” markaly 536 kinoteatry we Angliýada “Cineworld” we “Picturehouse” markaly 127 kinoteatrlary ýapýar. Neşiriň öz çeşmesine salgylanyp belleýşi ýaly, operatoryň ýolbaşçylygy ulgamyň kinoteatrlarynyň haçan açyljakdygy barada entek karara gelmedi. Munuň diňe 2021-nji ýylda bolmagy ähtimal diýlip, habarda bellenilýär.