Universal kompaniýasy “Forsaž 9” filminiň premýerasyny koronawirus pandemiýasy sebäpli ýene-de yza süýşürdi. Bu barada Deadline web saýtyna salgylanyp, piter.tv habar berýär.
Dokuzynjy filmiň sýužeti heniz mälim edilenok. Ýöne onda esasy ganhoryň Dominigiň dogany boljakdygy belli, onuň keşbini restler Jon Sina ýerine ýetirýär. Win Dizel we Mişel Rodriges ýaly adaty gahrymanlardan başga-da, filmiň dowamynda eýýäm tanyş bolan gahrymanlar Natali Emmanuel, Helen Mirren, Jordany Brýuster, Taýriz Gibson, Ludakris we Şarliz Teron peýda bolar.
Filmiň premýerasy 2-nji aprelden 2021-nji ýylyň 28-nji maýyna geçirildi. Ýeri gelende bellesek, Universal premýeranyň senesini MGM kompaniýasynyň üstümizdäki ýylyň noýabrynda çykmaly bolan “Ölmegiň wagty däl” filmini 2-nji aprele geçireninden soň üýtgetdi. Ilkibaşda lentany 2020-nji ýylyň 20-nji maýynda çykarmak islediler, ýöne koronawirus pandemiýasy meýilnamany üýtgetdi. Soň filmiň 2021-nji ýylyň aprelinde çykmagyna garaşylýardy, indi premýera maý aýyna bellenildi.
