Xiaomi kompaniýasynyň metbugat gullugy, 7-nji sentýabrda hödürlenen Poco X3 NFC täze smartfony AliExpress-de kompaniýanyň resmi dükanynda söwda başlanandan soň, bary-ýogy 30 minutyň içinde 10 müňden gowrak smartfonuň satylandygyny habar berýär. Muny news.newnn.ru ýetirýär.
Ýöne bu heniz doly statistika däl, sebäbi smartfon Mi.com saýtynda, Banggood, Gearbest internet dükanlarynda, Amazon-yň sebit şahamçalarynda, Belsimpel golland internet-dükanynda, şeýle-de Günorta-Gündogar Aziýanyň Shopee iri söwda portalynda hem hödürlenilýär.
Poco X3 NFC smartfonunyň enjam shemasy Qualcomm-dan Snapdragon 732G mobil çipsetiniň esasynda işleýär. IPS-tehnologiýasy boýunça taýýarlanan ekran paneli 2400 x 1080 piksel ygtyýarlygy we 120 Gs täzelenme ýygylygyny üpjün edýär. Selfi-kamera 20 MP optiki enjam bilen üpjün edilen, yz tarapynda 64 MP Sony IMX682 esasy modully dört kamera oturdylan. Gajeti 5160 mA/sag sygymly batareýa energiýa bilen üpjün edýär, ol 33 Wt çalt zarýadlanmany hem göterýär.
