Koronawirusa garşy rus sanjymynyň ilkinji tapgyry raýat dolanyşygyna goýberildi

Koronawirusa garşy rus sanjymynyň ilkinji tapgyry raýat dolanyşygyna goýberildi

Russiýanyň Saglygy goraýyş ministrligi Gamaleýa instituty tarapyndan öndürilen Sputnik V täze koronawirus ýokançlygyna garşy sanjymyň ilkinji tapgyrynyň raýat dolanyşygyna goýberilendigini mälim etdi. Muny interfax.ru habar berýär.

"Russiýanyň Saglygy goraýyş ministrliginiň Gamaleýa adyndaky epidemiologiýa we mikrobiologiýa ylmy-barlag merkezi tarapyndan işlenip taýýarlanylan "Gam-Covid-Vak "(Sputnik V) täze koronawirus ýokançlygyna garşy sanjymyň ilkinji tapgyry Roszdrawnadzoryň laboratoriýalarynda zerur hil synaglaryndan geçip, raýat dolanyşygyna goýberildi" - diýip, sişenbe güni edaranyň metbugat gullugy žurnalistlere habar berdi.

Şeýle hem sanjymyň ilkinji tapgyrlarynyň sebitlere ýakyn wagtda iberilmegine garaşylýandygy aýdyldy.

"Ilata sanjym etmek işleri hem sanjymyň raýat dolanyşygyna goýberilen pursatyndan başlaýar" diýip, Gamaleýa institutynyň müdiriniň ylmy işler boýunça orunbasary Denis Logunow belledi.

Mundan başga-da, ýakyn wagtda Moskwadaky Saglyk öýlerinde Sputnik V sanjymynyň kliniki synaglarynyň üçünji tapgyrynyň başlamagyna garaşylýar. Oňa 40 müň meýletinçi gatnaşar.