Türkiýe ýylyň ahyryna çenli 15 mln daşary ýurt syýahatçylaryna garaşýar

Türkiýe ýylyň ahyryna çenli 15 mln daşary ýurt syýahatçylaryna garaşýar

Türkiýäniň hökümeti şu ýylyň ahyryna çenli ýurda 15 mln daşary ýurt syýahatçylarynyň gelmegine, syýahatçylyk gurşawyndan girdejileriň bolsa, 11 mlrd dollara barabar bolmagyna garaşýar. Bu barada NTV teleýaýlymynyň efirinde Medeniýet we syýahatçylyk ministri Mehmet Nuri Ersoý mälim etdi. Muny ren.tv habar berýär.

Türk çinownigi iýulyň ahyryna çenli Türkiýä 6,5 mln syýahatçynyň gelendigini habar berdi. Olaryň hatarynda daşary ýurtlarda ýaşaýan 1,2 mln töweregi türk raýatlary hem bar. Nuri Ersoý koronawirus ýokanjynyň pandemiýasy sebäpli giç başlanylmagy bilen baglylykda syýahatçylyk möwsüminiň ýurtda uzaldyljakdygyny sözüniň üstüne goşdy.
Onuň aýtmagyna görä, şeýle ýagdaýda syýahatçylykdan girdeji $11 milliarda barabar bolup biler.

“1-nji iýundan syýahatçylyk pudagy dolanyşyga girip başlady, Russiýa, Ukraina, Beýik Britaniýa we Germaniýa bilen awiagatnaşyklar dikeldildi. Biziň 2020-nji ýylda syýahatçylaryň sany boýunça garaşan netijämiz ýokarydy, ýöne pandemiýa muňa täsir etdi, netijede biz 2019-njy ýyldakydan az myhman kabul ederis. Ýöne, garaşylyşy ýaly, 2021-nji ýyl muňa garanda has gowy bolar” – diýip, Ersoý aýdýar.

Geçen ýyl Türkiýä 45 mln daşary ýurt syýahatçylary bardy. Bu 2018-nji ýyldaky derejeden 14,11% ýokary geçdi.