Immunitetiň koronawirusa garşy näçe wagt saklanýandygy mälim edildi

Immunitetiň koronawirusa garşy näçe wagt saklanýandygy mälim edildi

COVID-19-a garşy goşa sanjym ulgamy uzak möhletli immunitetiň döremegine mümkinçilik berýär, wektor sanjymlaryny ulanmak tejribesi immunitetiň 2 ýyla çenli dowam edýändigini görkezýär. Bu barada Russiýanyň Saglygy goraýyş ministrliginiň metbugat gullugyna salgylanyp, RIA Nowosti habar berýär.

11-nji awgustda Russiýa Federasiýasynyň Saglygy goraýyş ministrligi akademik N.F. Gamaleýa adyndaky epidemiologiýa we mikrobiologiýa milli barlag merkezi tarapyndan işlenip düzülen täze koronawirus ýokançlygyna garşy öňüni alyş sanjymyna hasaba alyş şahadatnamasyny berdi.
Ilkibaşda «Gam-COVID-Wac», soňlugy bilen bolsa «Sputnik – V» adyny alan rus waksinasy adam adenowirusyna esaslanýan wektor sanjymy bolup, ol birnäçe haýwan görnüşinde howpsuzlyk we netijelilik babatda synaglardan geçdi. Soňra bolsa sanjym iki sany meýletinçiler toparynda synag edildi diýip, metbugat gullugy belleýär.