Microsoft планирует выкупить Warner Bros. Interactive за $4 млрд

Amerikan korporasiýasy Microsoft Warner Bros-yň oýun bölümini 4 milliard dollara satyn almak isleýär diýip, kompaniýanyň içindäki çeşmelere salgylanyp, «The Information» habar berýär, kommersant.ru ýetirýär.
Kompaniýa täze Xbox Series X-de aýratyn oýunlaryň ýoklugy bilen bagly meseläni çözmek üçin oýun döredijileri satyn almak syýasatyny dowam etdirmekçi bolýar.
2020-nji ýylyň iýun aýynda Warneriň wideo oýunlarynyň işlenip taýýarlanmagyna jogap berýän Interactive Entertainment bölümini satmak isleýändigi mälim boldy. “Batman” oýunlar tapgyryna jogapkär Roksteady, “Mortal Kombat” we “Injustice” oýunlary bilen meşgullanýan NetherRealm, “The Rings Lord” boýunça oýunlary ösdürýän Monolith Productions, şeýle hem “Harry Potter” ugry boýunça oýun döredýän Avalanche Studios – bular häzirki wagtda Warneriň iň uly studiýalary bolup durýar. Eger-de Microsoft Warner Interactive-i satyn alsa, oýunlaryň ygyýarnamasyna näme boljagy-da belli däl.
Warneriň oýun bölümine esasy hyrydarlaryň arasynda Take-Two Interactive, Electronic Arts, şeýle hem Activision Blizzard hem bellendi. Şeýle-de bolsa, eger-de kompaniýany Microsoft satyn alsa, geljekde Warner Interactive-iň taslamalary Xbox platformalaryna niýetleniler.