Президент Туркменистана произвел кадровые перестановки в правительстве

Prezident Gurbanguly Berdimuhamedow Ministrler Kabinetiniň 2019-njy ýylyň jemlerine bagyşlanyp geçirilen giňişleýin mejlisinde birnäçe ýolbaşçylary wezipä belledi. Hususan-da,
Goçmyrat Myradow başga işe geçmegi sebäpli, Ministrler Kabinetiniň Başlygynyň orunbasary wezipesinden boşadyldy. Gadyrgeldi Müşşikowiç Müşşikow Türkmenistanyň Ministrler Kabinetiniň Başlygynyň maliýe-ykdysadyýet toplumy boýunça orunbasary wezipesine bellenilip, Türkmenistanyň Ýokary gözegçilik edarasynyň başlygy wezipesinden boşadyldy. Ýokary gözegçilik edarasynyň başlygy wezipesine Durdyly Durdylyýew bellenilip, ol şol edaranyň başlygynyň orunbasary wezipesinden boşadyldy.
Çarymyrat Purçekow energetika ministri wezipesine bellenilip, Ministrler Kabinetiniň Başlygynyň orunbasary wezipesinden boşadyldy. Şamuhammet Durdylyýew Ministrler Kabinetiniň Başlygynyň gurluşyk we senagat toplumyna gözegçilik edýän orunbasary wezipesine bellenilip, Aşgabat şäheriniň häkimi wezipesinden boşadyldy.
Batyr Bazarow başga işe geçmegi sebäpli, maliýe we ykdysadyýet ministri wezipesinden boşadyldy. Maliýe we ykdysadyýet ministri wezipesine Ezizgeldi Annamuhammedow bellenilip, maliýe we ykdysadyýet ministriniň orunbasary wezipesinden boşadyldy.
Söýençnazar Selimow gurluşyk we binagärlik ministri wezipesinden boşadyldy. Gurluşyk we binagärlik ministri wezipesine R.Gandymow bellenilip, ministriň orunbasary wezipesinden boşadyldy. Tahyrberdi Dürhanow senagat we kommunikasiýa ministri wezipesinden boşadylyp, Ministrler Kabinetiniň bölüm müdiri wezipesine bellenildi.
«Türkmennebit» döwlet konserniniň başlygynyň orunbasary J.Orazow şol konserniň başlygynyň wezipesini wagtlaýyn ýerine ýetirmekden we «Türkmennebit» döwlet konserniniň başlygynyň orunbasary wezipesinden boşadyldy. Konserniň başlygy wezipesine G.Baýgeldiýew bellenilip, şol edaranyň başlygynyň orunbasary wezipesinden boşadyldy. G.Baýjanow Suw hojalygy baradaky döwlet komitetiniň başlygy wezipesine bellenilip, Ministrler Kabinetiniň bölümçe müdiri wezipesinden boşadyldy.