Можно ли оставлять зарядное устройство в розетке

Häzirki zaman dünýäsini gajetlersiz göz öňüne getirmek mümkin däl. Şonuň üçin her bir adamda diýen ýaly zarýad beriji gurluşlar hem bar. Tehnikanyň çalt zarýadsyzlanýandygy üçin, onuň eýeleriniň aglabasy zarýadkany rozetkadan aýyrjak hem bolmaýarlar. Birinjiden, şeýle etmek amatly, ikinjiden, ony soňundan gözläp ýörmeli däl. Ýöne howpsuzlyk we tygşytlylyk nukdaýnazaryndan şeýle etmek bolýarmy?
Bilermenler zarýad beriji gurluşlary rozetkada galdyrmak bolýar diýip hasaplaýarlar. Eger-de olar düzüw bolsa, onda gorkuly hiç zat bolmaz. Çünki şeýle tehnikalar hemişelik ulanylyş üçin ýörite çykarylýar ahyryn. Emma döwük, düzüw däl gurluşlary bolsa hatda gysga wagtlyk ulanyp görmek hem howpludyr.
Tygşytlylyk barada aýdylanda, rozetkada galdyrylan zarýad beriji gurluş elektrik energiýany sarp etmegini dowam etdirer. Ýöne az: ýylda 3 kWt/sag töweregi bolar.
Şeýle-de bolsa haçan galdyrmak bolanok?
Gürrüňsiz gadagan etmeler we rugsat bermeler örän az. «Zarýad beriji gurluşy rozetkada galdyrmak howply» düzgüni hem şolaryň biri. Kähalatlarda düzüw zarýadkany hem beýlekiler ýaly rozetkadan aýyrmaly bolýan ýagdaýlary bolýar. Gürrüň güýçli tupan barada gidýär. Eger şeýle etmeseň, tehnika hatardan çykyp bilýär. Şeýle-de gysga utgaşma, ýanma ýaly we beýleki ýaramaz howplar hem bar. Şonuň üçin iň gowusy töwekgellik etmeli däl.
Eger-de zarýad beriji gurluş gyzýan bolsa, ony rozetkada galdyrmak bolýarmy?
Käbir ulanyjylar wagtyň geçmegi bilen, rozetkada goýlan zarýad beriji gurluşyň gyzýandygyny bilip başlaýarlar. Şeýle ýagdaýyň howplulyk derejesi temperaturanyň haçan we nähiliräk ýokarlanýandygyna bagly bolýar. Eger-de bu ýagdaý gurluş işjeň peýdalanylan ýagdaýynda ýüze çykýan bolsa, onda hiç hili gorkasy zat ýok. Käbir gajetleriň şeýle gyzmasy adaty ýagdaý hasaplanylýar.
Köplenç gyzma zarýadka bilen däl-de, rozetka bilen bagly bolýar. Eger-de elektrik simi köne bolsa, onda şeýle ýagdaýda seresaply peýdalanmaly, smartfony zarýad berlenden soň aýyrmaly.
Zarýad beriji gurluşy rozetkadan aýyrmagyň peýdasyna şulary bellemek bolýar.
- energiýanyň sarp edilmegi (köp däl, her niçik-de bolsa bar);
- dartgynlylygyň üýtgäp durmagy enjamy ýok edip bilýär;
- zarýadka siz aňmakaňyz, hatardan çykyp, howply bolup biler.
- kanunalaýyk ulanylyş möhletiniň artdyrylmagy wagtyndan öň zaýalanma getirýär;
Garşylyk
- döwrebap elektrik simi – bu zarýadkadan peýdalanýan wagtyňyz ýüze çykyp biljek dartgynlylygyň üýtgäp durmasy üçin o diýen uly töwekgelçilik däl.
- eger-de gurluş arzan bolsa, zaýalanmak prinsipial bolmagyny bes edýär.
- rozetkada duran zarýadkadan gelýän howp diňe bir gurluş bilen bagly däl. Her bir öýde hemişe holodilnik, kir ýuwujy maşyn we başga-da köp zatlar rozetka birikdirilen.
Bir söz bilen aýdylanda, kadaly işleýän zarýad beriji gurluşy rozetkada galdyrmak bolýar. Eger-de size ony aýyrmak ynjalykly bolsa, aýryp bilersiňiz. Ol özüňize bagly.