Amerikaly suwda ýüzüji Gretçen Wolş Rimde geçirilen ýaryşlarda 50 metr aralyga erkin usulda ýüzmekde täze dünýä rekordyny goýdy.
Ol bu aralygy 23,55 sekuntda geçip, öz watandaşy hem-de türgenleşik boýunça ýoldaşy Keýt Duglassyň netijesinden öňe geçmegi başardy. Duglass 19-njy iýunda bellenilen aralygy 23,59 sekuntda geçip, rekord goýupdy.
Mundan öň bu ugurdaky dünýä rekordy (23,61) şwesiýaly Sara Şýostrýoma degişlidi we ol, takmynan, üç ýyl diýen ýaly saklanypdy.
Wols garyşyk estafetalarda Parižde geçirilen Olimpiadanyň iki gezek çempiony hem-de dört gezek dünýä çempionydyr. Şeýle hem oňa batterflýaý usulynda 100 metr aralyga ýüzmekde dünýä rekordy (54,33) degişli.
