«Obsessiýa» ("Обсессия") atly horror filminiň bäşinji hepdäniň jemleri boýunça dünýä prokatyndaky girdejisi 265 million dollara ýetdi. Film ABŞ-nyň prokatynda ikinji orny saklap, «Älemiň hökümdarlary» («Властелины вселенной») we «Gaty gorkunç kino 6» («Очень страшное кино 6») ýaly filmlerden öňe saýlanýar.
Filmiň býujeti bary-ýogy 750 müň dollara barabar. Şeýlelik bilen, film önümçilik çykdajylaryndan 350 esse köp girdeji gazandy. Ol eýýäm kino taryhyndaky iň köp girdeji getiren taslamalaryň sanawyna girdi.
Şeýle hem, kartina «Focus Features» kompaniýasynyň taryhyndaky iň köp girdeji getiren film derejesini has-da berkidýär.
Sýužet ýordumy Niki atly gyza jogapsyz aşyk bolan Bear atly ýaş ýigit barada gürrüň berýär. Onuň tapan jadyly taýagy islegini amala aşyrýar, şondan soň gyz oňa bolan söýgüsine «obsessiýa» (tutgaýlylyk) derejesinde berilýär. Kem-kemden onuň "söýgüsi" howply ýagdaýa öwrülip başlaýar.
Filmiň režissýory meşhur YouTube-bloger Karri Barker boldy. Film Barker we onuň toparynyň gymmat kinokameralardan hem-de äpet studiýa enjamlaryndan ýüz öwürmegi netijesinde şeýle arzana düşdi. Düşüriliş işlerinde aýnasyz ulanyjy fotoapparatlary we «Sony» kameralary ulanyldy.
Kartina pawilýonlary gymmat kärendä almazdan, hakyky öýlerde, dükanlarda we dostlarynyň öýlerinde düşürildi. Aktýorlar düzüminde gymmat bahaly Golliwud ýyldyzlary ýok, esasy rollary awtorlaryň özleri we olaryň dostlary ýerine ýetirdiler. Filmi düşürmek prosesi bary-ýogy 20 gün dowam etdi.
Häzirki wagtda ABŞ-nyň prokatynyň lideri Stiwen Spilbergiň täze ylmy-fantastiki çylşyrymly dramasy bolan «Paş edilme güni» (День разоблачения) bolup durýar. Ilkinji hepdäniň jemlerinde film 44 million dollar toplady, daşary ýurt bazarlary bolsa oňa ýene 48,9 million dollar getirdi. Bu täze film Spilbergiň filmleriniň arasynda iň gowy başlangyç görkezdi.
