Ford Motor kompaniýasy howpsuzlyk kemerinde ýol-ulag heläkçiliginde şikes almak howpuny ýokarlandyryp biljek kemçilik sebäpli ABŞ-da 419 967 ulagy yzyna çagyrýandygyny yglan etdi.
Yza çagyryş 2018-2022-nji ýyllarda öndürilen Ford Expedition we Lincoln Navigator wnedorožniklerine degişlidir. ABŞ-nyň ýollarynda ýol hereketiniň howpsuzlygy milli dolandyryşynyň (NHTSA) maglumatlaryna görä, mesele sürüjiniň we öňdäki ýolagçynyň howpsuzlyk kemeriniň dartyjylary bilen baglanyşykly.
Düzgünleşdiriji edaranyň maglumatyna görä, näsaz mehanizm howpsuzlyk kemerini bilgeşleýin gulplap, onuň öňe-yza çekilmegine päsgel berip biler. Bu bolsa, howpsuzlyk ulgamynyň heläkçilik ýüze çykanda ýolagçyny bolmalysy ýaly saklap bilmegine päsgel berip biler.
Hyzmat kampaniýasynyň çäginde, diler merkezleri howpsuzlyk kemeriniň mehanizmlerini barlar we gerek bolsa näsaz bölekleri çalşar. Awtoulag eýeleri üçin ähli işler mugtuna ýerine ýetiriler.
Häzirki wagtda bu näsazlyk bilen baglanyşykly tassyklanan heläkçilik ýa-da şikes alma hasaba alynmady.
