«Bawariýa» toparynyň hüjümçisi Harri Keýn 2025/2026 möwsüminiň netijeleri boýunça «Altyn butsy» baýragynyň eýesi bolar. Futbolçy Ýewropanyň milli çempionatlarynyň iň gowy bombardiri boldy.
32 ýaşly iňlis hüjümçisi Bundesliga ýaryşynda geçiren 31 duşuşygynda 36 gol girizmegi başardy we baýragyň reýtinginde 72 utuk toplady. Sanawda ikinji orny 27 gol we 54 utuk bilen «Mançester Siti» toparynyň hüjümçisi Erling Holand eýeledi. Üçünji ýerde bolsa Ispaniýanyň çempionatynda 25 gol geçiren «Real Madrid» toparynyň hüjümçisi Kilian Mbappe ýerleşdi.
Bu Keýniň karýerasynda ikinji «Altyn butsy» boldy. Ol 2023/2024 möwsüminde «Bawariýa» toparyndaky ilkinji ýylynda hem 36 gol geçirip, bu baýraga mynasyp bolupdy. Iňlis futbolçysy şu möwsümde ähli ýaryşlarda jemi 51 oýna gatnaşyp, 61 gol we 7 assist bilen tapawutlandy.
Norwegiýaly Erling Holand bolsa, öz gezeginde, karýerasynda üçünji gezek Angliýanyň Premýer-ligasynyň (APL) «Altyn butsy» baýragyny aldy. Angliýanyň çempionatynyň iň gowy bombardiri APL-de geçiren 35 oýnunda 27 gol saldy we 8 assist etdi. Norwegiýaly hüjümçi mundan ozal hem 2022/2023 we 2023/2024 möwsümlerinde APL-iň iň gowy bombardiri baýragyny alypdy.
