Germaniýanyň Kubogynyň «Bawariýa» we «Ştutgart» toparlarynyň arasynda geçirilen final duşuşygy tamamlandy. Bu oýunda Mýunheniň topary 3:0 hasabynda ynamly ýeňiş gazandy.
Duşuşyk Berliniň «Olimpiaştadion» stadionynda geçirildi. Oýnuň baş emini Swen Ýablonski boldy.
Oýnuň 55-nji minutynda Garri Keýn hasaby açyp, mýunhenlileri öňe çykardy, 80-nji minutda bolsa özüniň ikinji goluny geçirdi. Duşuşygyň 90+2-nji minutynda Keýn penaltiden üstünlikli urup, het-trik etdi.
Şeýlelikde, mýunhenliler milli kubogy 21-nji gezek gazandy, bu bolsa ýaryşyň taryhynda rekord görkezijidir. Sanawda ikinji ýerde duran «Werder» topary bu kubogy alty gezek gazandy.
Belläp geçsek, «Bawariýa» 2020-nji ýyldan bäri ilkinji gezek Germaniýanyň Kubogynda ýeňiş gazanýar. Topar yzygiderli bäş möwsüm ýaryşyň ýarym finalyna ýetip bilmän, yzyna gaýdypdy.
Şu möwsümiň 1/2 final tapgyrynda Mýunheniň kluby Lewerkuzeniň «Baýer» toparyny 2:0 hasabynda utdy. «Ştutgart» bolsa ýarym finalda «Fraýburgdan» goşmaça wagtda 2:1 hasabynda üstün çykdy.
Germaniýanyň Kubogynyň mundan öňki möwsüminde (2024/2025) «Ştutgart» topary ýeňiji boldy. Ol finalda «Arminiýany» 4:2 hasabynda utdy.
