GTA VI oýnunyň çykjak senesi gutarnykly tassyklanyldy — oýun 2026-njy ýylyň 19-njy noýabrynda elýeterli bolar. Bu barada Take-Two kompaniýasy özüniň maliýe hasabatynda resmi ýagdaýda yglan etdi.
Kompaniýa oýnuň çykyşynyň indi başga wagta süýşürilmeginiň meýilleşdirilmeýändigini aýratyn nygtaýar. Kompaniýanyň baş direktory Ştraus Zelnikiň sözlerine görä, GTA VI oýnuna bagyşlanan mahabat işleri eýýäm şu tomusda başlar. Şeýle hem oýnuň üçünji treýleriniň hödürlenmegine garaşylýar. Bu täzeliklerden soň Take-Two Interactive kompaniýasynyň paýnamalary, takmynan, 7% ýokarlandy.
Kompaniýa bu oýnuň çykmagyna iň esasy maýa hökmünde garaşýar: 2027-nji maliýe ýylynda girdejiniň 8–8,2 milliard dollara çenli (+20% töweregi) ösmegine garaşylýar. Ýolbaşçylar bu ösüşi hut GTA VI oýnunyň satuwa çykarylmagy bilen baglanyşdyrýar, bu bolsa oýnuň ýene-de yza süýşürilmek ähtimallygyny peseldýär — sebäbi şeýle çaklamalar eýýäm maýadarlaryň öňünde tassyklanyldy.
Oýun ilkinji gezek satuwa çykarylanda diňe PS5 we Xbox Series X|S konsollary üçin elýeterli bolar. Onuň kompýuter wersiýasy entek resmi taýdan tassyklanmady.
