Electronic Arts kompaniýasy 2026-njy ýyldaky futbol boýunça Dünýä çempionatyna bagyşlanan «EA Sports FC 26» oýny üçin uly täzelenmäni çykardy.
Düýnden, ýagny 28-nji maýdan başlap, oýunda ygtyýarnamasy bolan 53 sany milli ýygyndy toparyň gatnaşmagynda wirtual ýaryş başlady. Ýaryşyň geçiriliş ulgamy we oýundan çykaryş tertibi geljekki hakyky Dünýä çempionatynyň gurluşyna ýakynlaşdyrylar.
4-nji iýundan başlap, oýlap düzüjiler toparlaryň oýun formalaryny we atributikasyny täzeläp başlarlar. Şol gün oýunda sylaglaryň täze ulgamy — tokenler (nyşanlar) peýda bolar. Oýunçylar olary «Rivals», «Champions» we «Squad Battles» ýaly dürli režimlerde alyp bilerler, soňra bolsa olary futbolçylaryň toplumyna we kartoçkalaryna çalşyp bilerler.
Işläp düzüjiler oýun prosesine hem üýtgeşmeleri girizýärler. Hususan-da, oýunçylara garşydaşlaryny iteklemäge kömek edýän «Göreş+» (Bорьба+) oýun stili gowşadylar. Mundan başga-da, gorag häsiýetleri ýokary bolan futbolçylarda topy almak usuly gowulandyrylar we toparlaýyn basyşyň (pressingiň) täsirliligi peseler.
