Mozilla kompaniýasy Firefox brauzeriniň 2026-njy ýylda Nova kod ady bilen täzeden işlenen wersiýasyny aljakdygyny tassyklady. Ulanyjylar täze interfeýsi brauzeriň sazlamalary arkaly eýýäm synagdan geçirip bilerler.
Işläp düzüjiler ulanyjy tejribesini gowulandyrmaga we interfeýsi täzeden dizaýn etmäge ünsi jemleýärler. Firefox-yň täze wersiýasynda maglumatlary goraýan goşmaça gurallar, içerki VPN we täzelenen hususy režim peýda bolar.
Şeýle hem, Mozilla brauzeriň işini optimizirleýändigini we sahypanyň ýüklenişini çaltlaşdyrýandygyny yglan etdi. Ýene bir täze funksiýa bolsa brauzeriň daşky görnüşini öz islegiňe laýyklamak mümkinçiligidir.
Şeýle-de, Firefox dolandyryş elementlerini ykjam displeýde görkezýän režimi alar. Bu režim, esasan, kiçi ekranly enjamlar üçin niýetlenen we displeýde goşmaça giňişligi boşatmaga mümkinçilik berer.
Nova-nyň täzelenen dizaýny ähli platformalarda, şol sanda mobil enjamlarda elýeterli bolar. Bu bolsa enjamlarda yzygiderli ulanyjy tejribesini üpjün etmelidir.
