Nissan kompaniýasy 2025-nji maliýe ýylyny ABŞ-da köpçülikleýin awtoulag bazarynda iň çalt ösýän brend hökmünde tamamlady. Nissan-yň dilerlik merkezlerinde brendiň bölek satuwy 12 aý yzly-yzyna artdy.
2025-nji ýylyň 1-nji aprelinden 2026-njy ýylyň 31-nji martyna çenli döwürde Nissan kompaniýasynyň ABŞ-nyň bölek satuw bazaryndaky paýy geçen ýyl bilen deňeşdirilende 19,6% artdy.
Dilerlik merkezleriniň üsti bilen satylýan awtoulaglaryň sany 43 müňden gowrak artdy.
Kompaniýa Amerikanyň bazarynyň Nissa-nyň global strategiýasynyň we Re:Nissan täzeden gurluş maksatnamasynyň esasy elementi bolmagynda galýandygyny belledi. Awtoulag öndürijisi 2030-njy maliýe ýylyna çenli ýyllyk 1 million awtoulag satuwyny amala aşyrmagy meýilleşdirýär.
“Biz bölek satuwy, müşderilere hyzmat etmegiň hilini we brendiň güýjüni ileri tutulýan ugur hökmünde kesgitlemek barada oýlanşykly karary kabul etdik we bazar muňa jogap berýär” - diýip, Nissan kompaniýasynyň Demirgazyk we Günorta Amerikadaky edarasynyň başlygy Kristian Menýe aýtdy. “Gürrüň müşderileriň isleýän we dilerleriň buýsanç bilen satýan önümleri bilen brendi berkitmek barada barýar”.
