Spotify striming hyzmaty platformanyň 20 ýyllygy mynasybetli «Your Party of the Year(s)» atly täze funksiýasyny hödürledi. Ol ulanyjylara öz akkauntlaryny açyp, ulanan tutuş döwri üçin şahsy statistikalary bilen tanyşmaga mümkinçilik berýär.
Bu gural diňleme taryhy baradaky maglumatlara, şol sanda serwisde bellige alnan senesine we iň birinji diňlenen aýdyma girmäge ýol açýar.
Täze aýratynlygyň çäklerinde serwis ulanyjynyň iň köp diňlän 120 kompozisiýasyndan ybarat bolan «All-Time Top Songs» atly şahsy pleýlistini hem döredýär.
Bu funksiýa tölegli abunanyň bardygyna ýa-da ýokdugyna garamazdan, diňleýjileriň ähli derejeleri üçin elýeterlidir. Ondan peýdalanmak üçin goşundynyň gözleg setirinde «Spotify 20» ýa-da «Party of the Year(s)» diýip ýazmaly. Alnan netijeleri interaktiw kartoçka görnüşinde sosial ulgamlarynda paýlaşyp bolýar.
Mundan ozal, ýubileý mynasybetli Spotify hyzmatyň bar bolan ähli taryhynda iň meşhur ýerine ýetirijileriň we aýdymlaryň global reýtingini çap edipdi. Umumy sanawyň liderleri Teýlor Swift, Bad Bunny, Dreýk, The Weeknd we Ariana Grande boldy.
