Bolgariýanyň paýtagty Sofiýada Ýewropanyň dürli ýurtlaryndan 150-den gowrak pişigi bir ýere jemlän «Cat Show Expo» halkara sergisi boldy.
Iki günüň dowamynda gatnaşyjylar pişikleriň onlarça görnüşi bilen tanyşdylar, bilermenler bolsa jandarlara «Best in Show» bäsleşiginiň çäklerinde baha berdiler. Çärä müňlerçe tomaşaçy gatnaşdy.
Bolgariýadan gelen sekiz ýaşly Arçi atly meýn-kun tohumyndan bolan pişik serginiň iň meşhur gahrymanlarynyň birine öwrüldi. Ol «Köpçüligiň halany» (Любимец публики) diýen baýraga mynasyp boldy.
Tomaşaçylar seýrek duş gelýän tohumlara hem uly gyzyklanma bildirdiler. Olaryň arasynda ýedi aýlyk Moriann Şedou atly kanada sfinksi aýratyn ünsi çekdi.
Bäsleşik maksatnamasyndan başga-da, sergide öý haýwanlarynyň saglygy, iýmitlenişi we pişikleri köpeltmegiň jogapkärçilikli taraplary boýunça maslahat beriş bölümleri guraldy.
