Samsung kompaniýasy Galaxy Watch6 akylly sagatlarynyň wazowagal huşdan gitme ýagdaýyny (çaşmaklyk) bäş minut öňünden 84%-den gowrak takyklyk bilen çaklap bilýändigini habar berdi.
Barlag işleri Günorta Koreýanyň Çung-Ang uniwersitetiniň ýanyndaky Kwanmýon hassahanasy bilen bilelikde geçirildi. Synaglara 132 sany näsag gatnaşdy. Hünärmenler sagadyň fotopletizmografiki datçiginiň we emeli aň algoritmleriniň kömegi bilen ýürek ritminiň üýtgeýşini seljerdiler.
Wazowagal huşdan gitme ýagdaýy puls we gan basyşynyň birden peselmegi netijesinde ýüze çykýar, bu bolsa gysga wagtyň içinde huşuňy ýitirmäge eltip bilýär. Samsung-yň maglumatyna görä, ulgam şular ýaly ýagdaýlary 84,6% takyklyk bilen öňünden kesgitläp bildi. Modeliň duýgurlygy 90%-e, ýöriteleşmesi bolsa 64%-e deň boldy.
Barlagyň netijeleri European Heart Journal – Digital Health ylmy žurnalynda çap edildi.
Kompaniýa dakynylýan enjamlarda saglyk monitoringi funksiýalaryny kämilleşdirmegi dowam etdirjekdigini we sanly lukmançylyk hem-de öňüni alyş saglygy goraýyş bazarynda öz ornuny giňeltmekçi bolýandygyny mälim etdi.
