Portugaliýanyň Prezidenti Antoniu Žoze Seguro raýatlyk baradaky kanuna üýtgeşmeleri girizýän düzedişlere gol çekdi.
Indi Portugaliýanyň pasportyny almak üçin arza bermezden ozal ýurtda 10 ýyl ýaşamaly. Ozal bu möhlet bäş ýyldy. Braziliýa, Angola ýa-da Mozambik ýaly portugal dilli ýurtlaryň raýatlary üçin hem bu möhlet bäş ýyldan ýedi ýyla çenli uzaldyldy.
Portugaliýanyň parlamenti bu düzedişleri 2025-nji ýylyň oktýabr aýynda tassyklady. Mundan ozal deputatlar daşary ýurtlulara ýurduň içinden ýaşamaga ygtyýarnama soramagy gadagan edýän başga bir kanun taslamasyny hem makullapdy. Öň daşary ýurtly raýat Portugaliýa syýahatçylyk maksady bilen gelip, soňra maksadyny üýtgedip we ýaşamaga ygtyýarnama almak üçin arza berip bilýärdi.
Mundan başga-da, kanun maşgalanyň birleşmegi üçin ýurtda ýaşamagyň möhletini hem girizýär. Ozal daşary ýurtlular ýaşamaga ygtyýarnama alan badyna maşgalasyny ýanyna getirmek üçin arza berip bilýän bolsa, indi munuň üçin Portugaliýada iki ýyl ýaşamak gerek.
Portugaliýanyň Prezidenti kabul edilen kanuna teswir berip, eýýäm tabşyrylan raýatlyk arzalaryna täze düzedişleriň täsir etmezliginiň tarapdary bolup çykyş etdi.
