OpenAI-yň baş direktory Sem Altman The Atlantic gazetine beren interwýusynda geljekde ýüze çykjak meseleleri çözmekde umumy esasy girdeji (UBI) modeliniň iň amatlydygyna indi ynanmaýandygyny aýtdy.
Altmanyň pikirine görä, kesgitlenen nagt tölegleriň ýönekeý shemasy emeli aňy köpçülikleýin ornaşdyrmak we adam zähmetidir kapitalyň arasyndaky deňagramlylygyň global üýtgemegi bilen baglanyşykly kynçylyklara jogap bermeýär.
Telekeçiniň hut özi ozal 2019-njy ýylda başlanan giň möçberli synaga 14 million dollar maýa goýupdy. Bu barlagyň çäklerinde pes girdejili gatnaşyjylar üç ýyllap aýda 1000 dollar aldy. Netijeler çykdajylaryň artandygyna garamazdan, saglygy goraýyş hyzmatlaryna elýeterlilikde gönüden-göni gowulaşmalaryň ýa-da gatnaşyjylaryň fiziki ýa-da ruhy saglygynda düýpli üýtgeşmeleriň bolmandygyny görkezdi.
Altman göni tölegleriň ýerine emeli aň arkaly gazanyljak ykdysady ösüşe umumy eýeçiligiň täze formasyny girizmegi teklip edýär.
Alternatiw pikirler hususy maýa goýumlary bolmadyk ýagdaýynda-da, her bir raýata tehnologiýanyň ösmeginden alynýan girdejiniň paýyny berjek Jemgyýetçilik abadançylygy gaznasyny döretmekligi öz içine alýar. Şeýle hem, Altman raýatlara ulanylyp, çalşylyp ýa-da satylyp bilinjek emeli aň kompýuter serişdelerine hukuklary bermegi göz öňünde tutmagy teklip edýär.
OpenAI-yň ýolbaşçysy häzirki döwrüň esasy meselesiniň adamlaryň giň köpçüliginiň emeli aňyň mümkinçiliklerine elýeterliligini üpjün etmekdigini nygtaýar. Onuň sözlerine görä, tehnologiýa elýeterliligi çäklendirmek hökman sosial deňsizligiň mundan bu ýana-da artmagyna we diňe ilatyň baý gatlagynyň ornunyň pugtalandyrmagyna getirer.
