ABŞ-da futbol boýunça dünýä çempionatynyň oýunlaryny kabul etjek Milli futbol ligasynyň (NFL) stadionlarynyň atlary wagtlaýynça üýtgediler.
Turnir 11-nji iýunda başlanar we ol ABŞ-nda, Kanadada hem-de Meksikada geçiriler. Bu 48 toparyň gatnaşmagyndaky ilkinji dünýä çempionaty bolar. Oýunlaryň geçjek 16 stadionynyň 11-si ABŞ-nda ýerleşýär.
Halkara futbol federasiýasy (FIFA) ýaryş döwründe arenalaryň bitarap atlaryny ulanmagy we gurama bilen baglanyşygy bolmadyk hemaýatkärleriň logolaryny aýyrmagy talap etdi. Netijede, NFL-iň köp sanly meşhur stadionlarynyň adaty täjirçilik atlary çalşylyp, FIFA-nyň resmi atlary ulanylar.
Stadionlaryň sanawy:
«Mersedes-Benc» stadiony – Atlanta stadiony;
«Jilett» stadiony – Boston stadiony;
AT&T stadiony – Dallas stediýum;
NRG stadiony – Hýuston stediýum;
«Errouhed» stadiony – Kanzas-Siti stediýum;
SoFi stadiony – Los-Anjeles stediýum;
«Hard Rok» stadiony – Maýami stediýum;
«MetLaýf» stadiony – Nýu-Ýork – Nýu-Jersi stadiony;
Lincoln Financial Field stadiony – Filadelfiýa stediýum;
Levi’s Stadium stadiony – San-Fransisko Beý Arié stediýum;
«Lýumen Fild» stadiony – Sietl stediýum.
Bu üýtgeşmeler FIFA-nyň özüniň iň iri turnirinde brendleriň ulanylyşyna gözegçilik edýändigi bilen baglydyr. Milli futbol ligasynyň janköýerleri üçin stadionlar öňki tanymallygyna galsa-da, dünýä çempionaty döwründe olar täze atlara we başga görnüşe eýe bolarlar.
