2023-nji we 2024-nji ýyllar aralygynda Ispaniýa 2 milliondan gowrak migrant geldi. Olaryň agramly bölegi Latyn Amerikasy ýurtlaryndan gelenlerdir.
Hasaplamalara görä, bu döwürde ýurduň her dördünji ýaşaýjysynyň gelip çykyşy daşary ýurtly bolup çykdy we migrasiýa görkezijileri 2000-nji ýyllaryň başyndaky derejelere golaýlaşdy. Iň uly ösüş Kolumbiýadan, Perudan we Wenesueladan gelenleriň arasynda hasaba alyndy, şeýle-de Ukrainadan gelenleriň hem sany artdy.
Migrasiýanyň köpelmegi sebäpli jemgyýetçilik çekişmeleri-de ýüze çykdy. Aprel aýynda Pedro Sançesiň ýolbaşçylygyndaky hökümet ýüz müňlerçe migranty kanunylaşdyrmak baradaky karary tassyklady. Migrasiýa ministri Euronews kanalyna beren interwýusynda Madridiň häzirki syýasatyny goldaýandygyny we onuň Ýewropanyň migrantlara umumy gözegçiligi güýçlendirmek meýilinden tapawutlanýandygyny mälim etdi.
