«Fenerbahçe» topary baş tälimçi Domeniko Tedeskonyň wezipesinden aýrylandygyny yglan etdi. Bu barada türk klubunyň metbugat gullugy habar berýär.
Tedesko we onuň tälimçiler düzümi bilen birlikde, sport direktory Dewin Ozek we futbol utgaşdyryjysy Berke Çelebi hem klubdan gitdi. Baş tälimçiniň wezipesini wagtlaýyn ýerine ýetiriji hökmünde Zeki Murat Göle bellenildi.
Tedesko 40 ýaşynda bolup, ol 2025-nji ýylyň sentýabr aýynda «Fenerbahçä» ýolbaşçylyk edip başlady. Ol Çempionlar ligasynyň saýlama tapgyryndaky şowsuzlykdan soň işden aýrylan portugaliýaly Žoze Mourinýuny çalşypdy. Mundan ozal tälimçi Moskwanyň «Spartak», Belgiýanyň milli ýygyndysy, Germaniýanyň «Leýpsig» we «Şalke» klublary bilen işleşdi.
Türkiýäniň çempionatynyň 31-nji tapgyryndan soň, «Fenerbahçe» 67 utuk toplap, ýaryş jedweliniň ikinji setirinde ýerleşýär we birinji orundaky «Galatasaraýdan» ýedi utuk yza galýar.
Ýekşenbe güni topar dawaly geçen Stambul derbisinde «Galatasaraýdan» 0:3 hasabynda uly ýeňlişe sezewar boldy.
