San-Fransiskoda ýerleşýän Physical Intelligence kompaniýasy robotlar üçin niýetlenen täze π0.7modelini tanyşdyrdy. Bu model robotlara öň hiç wagt öwredilmedik işlerini ýerine ýetirmäge-de mümkinçilik berýär. Munuň özi geljekde ähli işe ukyply «uniwersal robotlary» döretmekde uly ädimdir.
Öňki robot ulgamlary hökman belli bir işi (meselem, diňe gap-gaç ýuwmak) etmek üçin programmalanypdy. π0.7modeli bolsa umumylaşdyrmak ukybyna eýedir.
Robot öňden bilýän ukyplaryny birleşdirýär. Täze we tanyş bolmadyk ýagdaýlarda şol ukyplary ulanmagy başarýar.
Geçirilen synaglaryň birinde robot öň hiç wagt ulanmadyk enjamy – fritýurnisany (ýagda bişiriji) ulanmagy başardy. Robotuň gorunda bu enjam bilen işlemek boýunça bary-ýogy iki sany mysal bardy. Muňa garamazdan, robot ädimme-ädim görkezmeleri yzarlap, tagamly kartoşka bişirmegi başardy.
– Model ukyplaryny birleşdirip başlan dessine, onuň mümkinçilikleri maglumatlaryň mukdaryndan has çalt ösüp başlaýar – diýip, kompaniýany esaslandyryjy professor Sergeý Lewin düşündirýär.
Elbetde, şeýle netijelere garamazdan, robotlaryň supermen däldiklerinem unutmak bolmaz. Bu robot hem has çylşyrymly işleri ýerine ýetirmek üçin entek ädimme-ädim görkezmelere mätäç.
Kompaniýa eýýäm 1 milliard dollardan gowrak maýa goýum çekdi we häzirki wagtda 5,6 milliard dollar töweregi bahalandyrylýar.
Bu tehnologiýanyň haçan satuwa çykaryljakdygy entek anyk däl.
