Toyota kompaniýasy Crown awtomobilleriniň oturgyçlarynyň esasynda döredilen täze kompýuter kreslosyny tanyşdyrdy.
Täze önüm awtomobil oturgyçlaryna mahsus bolan esasy funksiýalary özünde saklap galdy. Kreslo arka tarapynyň gyşaryşyny üýtgedýän elektropriwod, beýikligi sazlaýjy, ýassygyň ýagdaýyny üýtgediji we bil goldawy bilen enjamlaşdyrylypdyr. Şeýle hem, onda wentilýasiýa we gyzdyryş ulgamlary göz öňünde tutulypdyr.
Kreslonyň ýene bir özboluşly aýratynlygy — howpsuzlyk kemeriniň birikmesi bolup, oňa enjamlary zarýadlandyrmak üçin USB-port birleşdirilipdir. Muňa garamazdan, kompaniýa akkumulýatoryň häsiýetnamalary we onuň zarýadynyň näçe wagta ýetýändigi barada maglumat bermedi.
Kreslonyň taslamasyny brendiň awtomobilleriniň interýeri üçin jogap berýän Toyota Boshoku kompaniýasy işläp düzdi. Inženerler täze dizaýn döretmegiň ýerine eýýäm bar bolan çözgüdi ulanyp: «Bu oturgyç onsuz hem ýeterlik derejede kämil» diýen netijä geldiler.
Täze önümiň Ýaponiýadaky bahasy 495 müň ýena (takmynan 3100 dollar) möçberindedir. Kreslonyň diňe çäkli mukdarda — jemi 70 sanysynyň çykarylmagy meýilleşdirilýär.
