Samsung kompaniýasy özüniň Re-Newed (täzelenen) maksatnamasyny resmi taýdan giňeltdi. Indi bu maksatnama dikeldilen Galaxy Z Fold 7 we Z Flip 7 modelleri hem girizildi.
Enjamlaryň "ulanylan" statusyna garamazdan, häzirki wagtda bazardaky ýagdaý gaýtadan dikeldilen enjamy satyn almagyň täze enjamdan has gymmada düşmegine sebäp boldy.
Samsung Re-Newed maksatnamasyndaky bahalaryň başlangyç bahalardan pesdigini aýtsa-da, olar täze modeller üçin resmi saýtda hödürlenýän häzirki arzanladyşlary hasaba almaýar.
Satuwa çykan pursatyndaky we Re-Newed maksatnamasyndaky bahalaryň deňeşdirmesi:
- Galaxy Z Fold 7 (256 GB): Täzesiniň başlangyç bahasy $2000 / Dikeldilen bahasy $1700
- Galaxy Z Fold 7 (512 GB): Täzesiniň başlangyç bahasy $2200 / Dikeldilen bahasy $1750
- Galaxy Z Fold 7 (1 TB): Täzesiniň başlangyç bahasy $2500 / Dikeldilen bahasy $1880
- Galaxy Z Flip 7 (256 GB): Täzesiniň başlangyç bahasy $1100 / Dikeldilen bahasy $940
- Galaxy Z Flip 7 (512 GB): Täzesiniň başlangyç bahasy $1300 / Dikeldilen bahasy $990
Häzirki wagtda täze enjamlar esasy konfigurasiýalarda has arzan durýar: täze Z Fold 7 (256 GB) modelini 1600 dollara, Z Flip 7 modelini bolsa 900 dollara satyn alyp bolýar. Şunlukda, Re-Newed maksatnamasynyň çäginde satyn almak, modele baglylykda 40–100 dollar aralygynda has bähbitsiz bolup çykýar.
Muňa garamazdan, Samsung şeýle enjamlaryň ýokary hiline kepil geçýär. Re-Newed smartfonlarynyň ählisi kompaniýanyň hünärmenleri tarapyndan 100% original ätiýaçlyk şaýlaryny ulanmak bilen doly tehniki hyzmatdan geçirilýär.
Satuw toplumyna täze sertifikasirlenen batareýa we öndürijiden bir ýyllyk kepillik girýär. Bu bolsa resmi taýdan dikeldilen enjamy saýlamak üçin esasy delil bolup hyzmat edýär.a
