2026-njy ýylyň Pekin awtosalonynda Ýaponiýanyň Toyota awtoulag kompaniýasy özüniň bZ hataryndan birbada dört sany elektromobili tanyşdyrdy: bZ3 sedanyny, bZ5 liftbegini, bZ3X krossowerini we täze flagman sedany bolan bZ7-ni.
bZ5 modeli kupe görnüşli ýylmanak kuzowa, öň tarapda inçe optika we adaty radiator gözenegi bolmazdan ýapyk öň bölegine eýe boldy. Salonda sanly enjam paneli we uly merkezi ekran oturdyldy, dolandyryş bolsa, esasan, sensor arkaly.
bZ3X krossoweri gündelik ulanmak üçin niýetlenendir. Ol ulaldylan ölçegleri, beýik kuzowy we has giň salony bilen tapawutlanýar, bu bolsa ony maşgala gezelençleri üçin amatly edýär.
bZ3 sedany seriýanyň umumy stilinde ýerine ýetirildi: ýiti däl kuzow çyzyklary, bitewi yşyk zolagy we ýönekeý interýer.
Täze bZ7 flagmany uzyn korpusa, pes üçek çyzygyna eýe bolup, premium derejeli ulag hökmünde görkezilýär. Oňa elektron ulgamlaryň giňeldilen toplumynyň goşulmagyna we bazaryň has ýokary segmentine gönükdirilmegine garaşylýar.
Hödürlenen modeller Toyota-nyň elektrikleşdirme strategiýasynyň ösüşini we awtomobilleriň elektromobillere bolan islegiň yzygiderli artýan ýeri bolan Hytaý bazarynyň talaplaryna uýgunlaşdyrylmagyny görkezýär.
