OpenAI kompaniýasy 23-nji aprelde generatiw emeli aňyň täze modeli bolan GPT-5.5-i hödürledi.
«Çylşyrymly wezipelere düşünmek, gurallary ulanmak, öz işiniň netijelerini barlamak we has köp sanly tabşyrygy ahyryna çenli ýerine ýetirmek üçin döredilen, hakyky iş we agentleri dolandyrmak üçin niýetlenen aňyň täze derejesi. Bu model kompýuter wezipelerini ýerine ýetirmekde täzeçil çemeleşmäni aňladýar. Indi ol ChatGPT we Codex ulgamlarynda elýeterli» diýip, kompaniýa X sosial ulgamynda habar berdi.
OpenAI-yň tassyklamagyna görä, täze model kod ýazmak we onuň ýalňyşlyklaryny düzetmek, onlaýn barlaglar, maglumatlary seljermek, resminamalary we jedwelleri döretmek, şeýle-de programma üpjünçiligini dolandyrmak ýaly işlerde ýokary netijelilik görkezýär.
Kompaniýa GPT-5.5 modeliniň eýýäm ChatGPT we Codex ulgamlarynyň tölegli ulanyjylary üçin elýeterlidigini anyklaşdyrdy.
Mundan ozalky wersiýa bolan GPT-5.4 modeli 5-nji martda tanyşdyrylypdy. Şol wagt hem bu modeliň hünär işleri üçin netijelidigi barada habar berlipdi.
