Hytaýyň Xpeng kompaniýasy 2027-nji ýylda uçýan awtoulaglary iberip başlamagy meýilleşdirýär. Öndüriji eýýäm 7000-den gowrak sargyt aldy, olaryň köpüsi Hytaýdan gelip gowşan sargytlar.
Kompaniýa häzirki wagtda awiasiýa düzgünleşdirijileri bilen hyzmatdaşlykda tehnologiýany sertifikatlaşdyrýar we ýakyn ýyllarda köpçülikleýin öndürip başlamaga taýynlyk görýär.
Şol bir wagtyň özünde, Xpeng awtonom ulaglar ugruny ösdürýär. 2026-njy ýylda Guançžouda robotaksileri synagdan geçirip başlamagy, soňra 12-18 aýyň dowamynda şeýle ulaglaryň ýüzlerçesinden başlap müňlerçesine çenlisini öndürip başlamagy meýilleşdirilýär.
Şeýle hem, kompaniýa ilki hyzmatda we satuwda ulanyljak adam şekilli robotlaryň işläp düzülmegine maýa goýýar.
Xpeng eýýäm 60-dan gowrak ýurtda işleýär we daşary ýurtlardan gelýän girdejisiniň paýyny artdyrmagy meýilleşdirýär. 5-10 ýylyň dowamynda kompaniýa girdejisiniň ýarysyndan gowragyny Hytaýdan daşarda gazanmagy meýilleşdirýär. Volkswagen bilen elektrik awtoulaglary we tehnologiýalar ulgamynda hyzmatdaşlygyny giňeltmek hem göz öňünde tutulýar.
