2026-njy ýylyň 16–19-njy apreli aralygynda Rumyniýanyň Buharest şäherinde 17 ýaşa çenli türgenleriň arasynda geçirilen «Konstantin Aleksandru we Ioan Popowiç» adyndaky halkara ýaryşynda türkmen türgenleri uly ýeňiş gazandy.
Bu barada Türkmenistanyň DIM-iniň resmi saýtynda habar berilýär.
Erkin we grek-rim göreşi boýunça geçirilen bu ýaryşda Türkmenistanyň ýygyndy toparynyň wekilleri jemi 13 medal — 4 altyn, 6 kümüş we 3 bürünç medal gazandy. Aýratyn-da, erkin göreş boýunça çykyş eden türgenler 14 döwletiň arasynda iň ýokary netijäni görkezip, medal hasaby boýunça birinji orny eýeledi.
