Ýakyn gijelerde Lirid meteor ýagyşynyň işjeňlik nokady ýetip gelýär. Bu asman şüweleňi 30-njy aprele çenli dowam eder, ýöne iň ýokary nokada 22-nji aprelden 23-nji aprele geçilýän gijede garaşylýar.
Bu ýyl gözegçilik şertleri aýratyn amatly bolar. Orak ýaly inçe Aýyň gözýetimden pesde ýerleşeni üçin, onuň ýagtylygy gaýyp gelýän ýyldyzlary synlamaga päsgel bermez. Sagatda ýigrimiden gowrak ýyldyzyň ýagjak tomaşasy synlanyňa deger.
Liridler adamzat tarapyndan 2600 ýyldan bäri synlanyp gelinýän, gadymdan mälim bolan meteor ýagyşlarynyň biridir. Bu asman şüweleňi yzynda tozan bölejiklerini galdyran 1861-nji ýylyň Beýik kometasy bilen baglanyşykly. Ýer şary her aprelde bu yzy kesip geçýär we bölejikler sekuntda takmynan 49 kilometr tizlik bilen atmosfera girip, ýanýar hem-de ýagty ýalkymlary döredýär.
Bilermenler meteor ýagyşynyň işjeňliginiň eýýäm 14-nji aprelde başlandygyny we aýyň ahyryna çenli dowam etjekdigini belleýärler. Gözegçilik etmek üçin iň oňat wagt 22:00-dan soň başlanar we gije sagat 01:00 töweregi iň ýokary derejesine ýeter. Meteorlaryň ýokary tizligi sebäpli olary hiç hili enjamsyz, ýaraglanmadyk göz bilenem görüp bolar. Iň gowy täsirleri almak üçin şäher yşyklaryndan uzakdaky açyk meýdançalary saýlamak we ýakyn töwerekde emeli yşyklandyryşy, hatda elçyradyr smartfonuň ýagtylandyryjysyny hem ulanmazlyk maslahat berilýär.
