Dünýäniň 200 ýurdundan iberilen 430 müňden gowrak işiň arasyndan «Sony World Photography Awards 2026» bäsleşiginiň ýeňijileri yglan edildi.
«Ýylyň fotografy» diýen baş baýraga meksikaly suratçy Sitlali Fabian mynasyp boldy. Ol özüniň «Bilha. Meniň uýalarymyň hekaýatlary» («Bilha. Stories of My Sisters») atly fotosergisi bilen eminleri haýran galdyrdy.
Ýalaltekleriň neslinden bolan Fabian öz taslamasynda Meksikanyň Oahaka ştatyndaky zenanlaryň durmuşyny, meňzeşliklerini we dürli pudaklardaky üstünliklerini öwrenýär. Ol portret suratlaryny sanly illýustrasiýalar bilen utgaşdyryp, zenanlaryň jemgyýetdäki ornuny täsirli görkezýär.
«Aýakýalaň wulkanolog», awtory El Leontew (Open ugry boýunça «Ýylyň fotografy»)
Fabian bu baýragyň diňe bir öz üstünligi bolman, eýsem, taslama gatnaşan we öz jemgyýetleri üçin umyt çeşmesi bolan zenanlary dünýä tanatmak üçin uly mümkinçilikdigini belleýär.
«Meniň ozal oýnaýan ýerim», awtory Jubair Ahmed Arnob («Ýylyň fotograf» talyby)
Eminler baş baýrak bilen birlikde, «Professional», «Open», «Student» we «Youth» ýaly ugurlar boýunça ýeňijileri hem kesgitlediler.
Ýeňiji bolan ähli suratlar Londondaky meşhur «Somerset-haus» muzeýinde sergilenýär. Sergi 2026-njy ýylyň 17-nji aprelinden 4-nji maýyna çenli dowam eder.
