Soňky birnäçe ýylyň dowamynda Formula-1 toparlarynyň gymmaty birden ýokarlanmagyny dowam etdirýär we indi her bir toparyň bahasy azyndan 1 milliard dollara ýetdi. Bu baradaky maglumatlar «PlanetF1» neşiri tarapyndan mälim edildi.
Bu hili ýokarlanma, býujet çäklendirmeleriniň girizilmeginiň we täze «Concorde Agreement» ylalaşygyna gol çekilmeginiň netijesidir. Bu ädimler çempionatda maliýe durnuklylygyny üpjün etdi we maýa goýum özüne çekijiligini ýokarlandyrdy.
Häzirki wagtda toparlaryň takmynan bahalary şundan ybarat:
- Ferrari — $7,1 mlrd;
- Mercedes — $6,4 mlrd;
- McLaren — $5,2 mlrd;
- Red Bull — $4,9 mlrd;
- Aston Martin — $3,3 mlrd;
- Williams — $2,6 mlrd;
- Alpine — $2,6 mlrd;
- Audi — $2,6 mlrd;
- Racing Bulls — $2,4 mlrd;
- Haas — $1,9 mlrd;
- Cadillac — $1,6 mlrd.
Deňeşdirmek üçin: 2020-nji ýylda bahalar has pesdi. Mysal üçin, şol wagt Ferrari 2 milliard dollar töweregi bahalanan bolsa, Williams toparynyň gymmaty bary-ýogy 120 million dollara deňdi.
Hünärmenleriň bellemegine görä, bu ösüş mümkinçiligi heniz tamamlananok, aýratyn-da, ABŞ-nyň bazarynda ösüşe garaşylýar. Geljekde öňdebaryjy toparlaryň bahasynyň 10 milliard dollar çägine ýetmegi mümkin.
