Google kompaniýasy robotlaryň daşky gurşaw bilen özara hereketini düýpli üýtgedýän täze Gemini Robotics-ER 1.6 modelini hödürledi.
Bu taslamanyň esasyny «embodied reasoning» konsepsiýasy düzýär. Ol robotlara lenç edilen ülňilere eýermän, eýsem, fiziki gurşawy seljermäge, çylşyrymly wezipeleri tapgyrlara bölmäge we işiň hilini özbaşdak barlamaga mümkinçilik berýär.
Täze nusganyň giňişligi duýmak ukyby-da kämilleşen. Ol bir wagtda birnäçe kameradan gelýän maglumatlary işläp taýýarlamagy, şeýle-de dürli taraplary bir bitewi şekile getirmegi öwrendi. Bu model zatlary has takyk tanaýar, olary sanamagy başarýar we aralaryndaky baglanyşyga düşünýär. Bu bolsa her hili zatlardan doly otaglarda robotyň etmeli hereketini ýeňilleşdirýär.
Esasy täzeliklerden ýene biri, enjamlary seljermegiň funksiýasydyr. «Boston Dynamics» bilen bilelikdäki işiň netijesinde, manometrleriň we displeýleriň görkezijilerini tanamagyň takyklygy 23%-den 93%-e çenli ýokarlandy.
Mundan başga-da, Gemini Robotics-ER 1.6 Google-yň hataryndaky iň howpsuz ulgam boldy. Ol ätiýaçly bolmaly zatlar bilen işlenilende çäklendirmelere has pugta eýerýär.
Programmaçylar eýýäm Gemini API we Google AI Studio arkaly bu modele giriş hukuklaryny aldylar. Bu bolsa robotyň diňe bir buýruklary ýerine ýetirmän, eýsem daş-töwereginde bolup geçýän wakalara doly derejede düşünmegi üçin täze goşundylary döretmäge mümkinçilik berer.
