XVII asyra degişli tapylan karta Wilýam Şekspiriň Londondaky öýüniň ýerleşýän ýerini anyklamaga mümkinçilik berdi.
Barlagy London Kings kollejiniň professory Lýusi Manro geçirdi. Ol atanlykda London we Milli arhiwlerden dramaturgyň 1613-nji ýylda satyn alan mülküniň takyk salgysyny we ölçeglerini kesgitlemäge kömek eden resminamalaryň üstünden bardy.
– Men London arhiwinden başga bir zat gözläp ýörkäm, bu resminama tötänleýin duş geläýdim – diýip, Manro öz tapyndysy hakda gürrüň berýär.
Ozal öýüň Blekfraýars etrabynda ýerleşendigi mälim bolsa-da, onuň anyk ýeri näbelli bolup galýardy. Indi mülküň häzirki Aýrlend-Ýard köçesiniň, Bergon-strit köçesiniň aşaky böleginiň we Bergon-strit, 5 hem-de Sent-Endrýus-Hill, 5 salgylaryndaky binalaryň bir böleginiň çäginde ýerleşendigi belli boldy.
Şeýle hem, Sent-Endrýus-Hill köçesindäki gök reňkli ýadygärlik tagtasynyň öýüň golaýynda däl-de, hut onuň üstünde oturdylandygy ýüze çykaryldy.
Barlagçynyň aýtmagyna görä, öýüň Blekfraýars teatrynyň golaýynda ýerleşmegi Şekspiriň ömrüniň ahyrky ýyllarynda Londonda çak edilişinden has köp wagt geçirendigine şaýatlyk edýär. Ol Jon Fletçer bilen bilelikde döreden «Genrih VIII» we «Adamkärçilikli iki çykan» («Два благородных кузена») ýaly soňky eserleriniň üstünde hem hut şol ýerde işlän bolmaly.
Şekspir pýesalardan gazanan serişdesine Londonyň takmynan 160 km demirgazyk-günbatarynda ýerleşýän Stratford şäherinde maşgala öýüni gurupdyr (ol bina soňra ýykylypdyr).
Şahyr şol ýerde 1616-njy ýylda, 52 ýaşynda aradan çykýar.
