Hyytaýyň Şençžen şäherindäki BYD kompaniýasynyň zawodyna degişli köp gatly awtoduralgada güýçli ýangyn boldy. Kompaniýanyň berýän maglumatyna görä, waka sişenbe güni irden ýüze çykdy.
Bu awtoduralga esasan synagdan geçirilýän hem-de hasapdan çykarylan awtoulaglary ýerleşdirmek üçin ulanylýardy. Adatdan daşary ýagdaýlar gullugynyň işgärleriniň tagallasy bilen ýangyny doly öçürmek başartdy.
Waka şaýat bolanlar ýangyn wagtynda asmany goýy gara dumanyň gurşap alandygyny we alawyn binanyň uly bölegine ýaýrandygyny aýdýarlar. Hünärmenler elektromobilleriň ýangynynyň adaty içinden ýanýan hereketlendirijili ulaglaryňkydan düýpli tapawutlanýandygyny belleýärler. Muňa sebäp — litiý akkumulýatorlarynyň ýangynyny öçürmek üçin täsirli usullaryň entek çäkliligidir.
Bu waka kompaniýanyň ýylyň kyn başlangyjyndan soň öz görkezijilerini durnuklaşdyrmaga synanyşýan wagtyna gabat geldi. Mart aýynda Hytaýda satuwlaryň belli bir derejede artandygyna garamazdan, umumy satuw mukdarynyň peselmegi eýýäm ýedinji aý bäri dowam edip gelýär.
