Samsung kompaniýasy Amerikan bazarynda Galaxy Z Flip 7, Galaxy S25 FE we Galaxy S25 Edge smartfonlarynyň bahasynyň gymmatladylandygyny yglan etdi. Bahalaryň gymmatlamagy esasan hemişelik ýadyň göwrümi uly bolan modellerde ýüze çykdy.
Täze nyrhlara görä, 512 GB ýatly Galaxy Z Flip 7-niň bahasy 1300 dollara, 256 GB ýatly Galaxy S25 FE-niň bahasy 750 dollara we 512 GB ýatly Galaxy S25 Edge-iň bahasy 1300 dollara çenli ýokarlandy.
Mundan başga-da, öndüriji geçen hepde eplenýän Galaxy Z Fold 7 modeliniň hem nyrhlaryna düzediş girizipdi: indi bu enjamyň 512 GB-lyk wersiýasy 2200 dollardan, iň ýokary 1 TB-lyk wersiýasy bolsa 2500 dollardan bahalanýar. Hünärmenler günorta koreýaly ägirdiň bu nyrh syýasatyny dünýäde dowam edýän düzüm bölekleriniň ýetmezçiligi bilen baglanyşdyrýarlar.
Bu ýetmezçilik operatiw ýadyň (RAM) we NAND-fleş çipleriniň özüne düşýän gymmatynyň birden ýokarlanmagyna getirdi. Häzirki wagtda smartfonlaryň iň pes ýat göwrümli başlangyç wersiýalarynyň nyrhlary öňküligine saklanyp galýar.
