Halkara aeroportlar geňeşi (ACI World) dünýäniň iň köp adamly howa menzil-çatrygynyň täze reýtingini hödürledi. Guramanyň maglumatlaryna görä, 2025-nji ýylda halkara ýolagçy gatnawy 4 milliarda ýetip, pandemiýadan öňki 2019-njy ýylyň görkezijisinden 8,3% ýokary boldy.
Dünýäniň iň uly howa derwezesiniň sanawynda ýene-de ABŞ-nyň Hartsfild-Jekson Atlanta aeroporty birinji orny eýeledi. Ol geçen ýyl 106 milliondan gowrak ýolagça hyzmat etdi.
2025-nji ýylda iň köp mähelleli bolan 10 aeroport:
- Hartsfild-Jekson Atlanta halkara aeroporty, ABŞ;
- Dubaý halkara aeroporty, BAE;
- Tokio Haneda aeroporty, Ýaponiýa;
- Dallas/Fort-Uert halkara aeroporty, ABŞ;
- Şanhaý Pudun halkara aeroporty, Hytaý;
- O'Hara halkara aeroporty, Çikago, ABŞ;
- London Hitrou aeroporty, Beýik Britaniýa;
- Stambul aeroporty, Türkiýe;
- Guanžou Baýýun halkara aeroporty, Hytaý;
- Denwer halkara aeroporty, ABŞ.
Diňe halkara gatnawlar segmentinde Dubaý (95,1 mln ýolagçy) lider boldy, ondan soňra London Hitrou we Günorta Koreýanyň Inçhon aeroportlary gelýär. Halkara ugurlar boýunça ilkinji onluga Ýewropanyň iri howa nokatlary Amsterdam Shiphol (5-nji orun), Stambul (6-njy), Şarl de Goll adyndaky Pariž aeroporty (7-nji) we Frankfurt (9-njy) hem girdi.
ACI World guramasynyň baş direktory Jastin Erbatçi howa menzilleriniň üstünliginiň artýan islegi netijeli dolandyrmak bilen baglydygyny, emma pudaga uzak möhletleýin maýa goýumlarynyň gerekdigini belledi. Şeýle hem, ekspertler awiaýangyjyň bahasynyň 13% aşaklamagynyň we inflýasiýanyň gowşamagynyň syýahata bolan höwesi artdyrandygyny hasaba aldylar.
