ABŞ-nyň keramatly Olaf kollejiniň we Sirakuza uniwersitetiniň alymlary pruzinalara we polat elementlere esaslanyp işleýän özboluşly hasaplaýyş ulgamyny döretdiler. Enjam elektrik energiýasyz, çipsiz ýa-da batareýasyz, diňe materiallaryň fiziki häsiýetlerini ulanyp, logiki amallary we ýatda saklamak işlerini ýerine ýetirýär.
Bu işlenip düzüliş mehaniki ýatkeşlik düşünjesine - materiallaryň gysylma ýa-da süýnme ýaly fiziki täsirleri "ýatda saklamak" ukybyna esaslanýar.
Häzirki prototipler eýýäm fiziki impulslary sanap, jübüt we täk signallary tapawutlandyryp, sarp edilen güýç barada maglumatlary saklap bilýärler.
Bu "mehaniki elektronikanyň" esasy artykmaçlygy onuň ekstremal şertlerde: ýokary temperaturada, güýçli radiasiýada, titremelerde ýa-da adaty çipleri hatardan çykarýan agressiw himiki gurşawlarda işläp bilmäge ukyplydygydyr. Bu tehnologiýa geljekde hereketlendirijileriň içindäki datçiklerde, protezlerde we “akylly” materiallarda ulanylyp bilner.
