Toyota kompaniýasy 2028-nji ýylda ilkinji gezek görkezilmegine garaşylýan Corolla Cross krossoweriniň täze neslini işläp düzýär. Deslapky maglumatlara görä, model doly derejede gibrid hereketlendirijilerine geçer we täzelenen tehniki baza bilen üpjün ediler.
Awtomobil täzelenen TNGA-C platformasyny saklar. Esasy üýtgeşiklik gibrid ulgamynyň altynjy nesli bilen utgaşdyrylantäze 1,5 litrlik hereketlendirijiniň ulanylmagy bolar. Ulgamyň netijeliliginiň döwrebap batareýalary we ýarymgeçirijileri ulanmak arkaly ýokarlandyrylmagyna garaşylýar.
Şeýle hem, takmynan 200 at güýjüni öndürýän gibrid elektrik geçirijisi we täzelenen yzky asma ulgamy bolan GR Sport wersiýasyny çykarmak göz öňünde tutulýar.
Krossoweriň salony düýpli üýtgeşmelere sezewar bolar: 12,3 dýuýmlyk sanly gurallar paneli we 12,9 dýuýmlyk multimediýa ekrany bilen birlikde Arene programma platformasynyň ornaşdyrylmagyna garaşylýar.
Modeliň daşky görnüşi täze RAV4-iň stilinde biraz burçlagrak bolar we gabarasynyň birneme ulalmagy bolsa salonda giňişlik döretmäge mümkinçilik berer.
