Indoneziýanyň merkezi bölegindäki Gündogar Ýawa welaýatynda Semeru wulkanynyň azyndan alty sany täze atylmasy hasaba alyndy. Işjeňligiň netijesinde kül deňiz derejesinden 4 676 metr belentlige ýetdi diýip, Antara agentligi gözegçilik nokadynyň maglumatlaryna salgylanyp habar berýar.
Habarda külüň kraterden 1 müň metr ýokary göterilendigi bellenilýär. Atylma günbatar we demirgazyk-günbatar ugurlaryna ýaýraýan ak hem-de çal reňkli dykyz kül zyňyndylary bilen utgaşdy. Ýerli häkimiýetler wulkanyň gyzgyn daşlary zyňmak töwekgelçiligi sebäpli, sebitiň ýaşaýjylaryna we syýahatçylara krateriň 5 km golaýyna barmagy gadagan etdiler.
Semeru – Indoneziýadaky iň belent dördünji wulkan (deňiz derejesinden 3 676 metr ýokarda) we Ýawa adasynyň iň belent nokadydyr. Indoneziýa arhipelagy «Ýuwaş umman otly halkasy» diýlip atlandyrylýan zolakda ýerleşýär. Şol sebäpli hem bu sebit güýçli seýsmiki işjeňlige sezewardyr.
Indoneziýada jemi 500-den gowrak wulkan bolup, olaryň 130-a golaýy hereket edýän wulkanlardyr.
