Hytaýyň adam şekilli Unitree H1 roboty sekuntda 10 metre çenli tizligini artdyryp, androidleriň arasynda tizlik rekordyny goýdy. Bu barada «Humanoids Daily» neşiri habar berýär.
Robot 100 metr aralygy ylgap geçip, bäsdeş modelleriň görkezijileri bilen deňeşdirip boljak netije görkezdi. Onuň agramy 62 kg, aýaklarynyň uzynlygy bolsa, takmynan, 0,8 metre deň. Sagat hasabyna geçirilende, onuň tizligi, takmynan, 36 km/sag ýetýär. 2024-nji ýylyň başynda bu görkeziji häzirki netijeden üç esse diýen ýaly pesdi.
Deňeşdirmek üçin, adamyň ýetip biljek iň ýokary tizligi sekuntda 12,42 metr bolup, oňa sprinter Useýn Bolt ýetipdi. Şeýlelikde, häzirkizaman robotlary eýýäm hünärmen türgenleriň derejesine golaýlaşýar we adamlaryň köpüsinden has çalt hereket edip bilýär.
Hünärmenleriň bellemegine görä, tizligiň artmagy diňe bir gurluşyň üýtgemegi bilen däl, eýsem, ilkinji nobatda, programma üpjünçiliginiň kämilleşmegi bilen baglydyr. Mysal üçin, Tesla Optimus roboty 2,7 m/sek tizlik bilen hereket edýär.
Şeýle tehnologiýalaryň ösmegi maýadarlaryň gyzyklanmasy bilen hem baglanyşyklydyr: Unitree kompaniýasy birža çykmaga taýýarlanýar. Şu aýyň ahyrynda Pekinde 300-den gowrak adam şekilli robotyň gatnaşmagynda ýarym marafon geçirmek meýilleşdirilýär.
