Ilon Maskyň X kompaniýasy 17-nji aprelde hat alyşmak üçin niýetlenen aýratyn XChat goşundysyny çykarmaga taýýarlanýar. Täze messenjer ilki bilen iOS (iPhone) ulgamynda işläp başlar.
Goşundyny ulanmak üçin telefon belgisini birikdirmegiň hökman däldigi we ulanyjylary hiç hili mahabatyň biynjalyk etmejekdigi XChat-yň esasy aýratynlyklarydyr. Mundan başga-da, messenjer hatlary diňe ýazyşýan iki tarapyň okap bilmegi, ekran suratyny almagy gadagan edýän funksiýa, hatlary öçürmek ýa-da üýtgetmek ýaly ýokary howpsuzlyk goraglaryny-da öz içine alýar.
XChat ýazyşmak bilen birlikde, toparlaýyn audio we wideogepleşikleri hem gurnamak mümkin. Şeýle hem onda ýitip gidýän hatlar we ýüzlerçe adamy birleşdirýän uly toparlaýyn çatlar bolar.
Bu täzelik Ilon Maskyň X platformasyny ähli zady özünde jemleýän «super goşunda» öwürmek strategiýasynyň möhüm bölegidir. Maskyň maksady, täze taslama arkaly WhatsApp we Telegram ýaly aragatnaşyk bazarynyň liderlerine güýçli bäsdeş döretmekdir.
